• Горан Упале
Црвена Звезда имаше амбиции за Лигата на шампионите, но падна во најниското натпреварување на УЕФА, откако по продолженијата на чудесен начин загуби од Викторија Плзен со 5-1 (4-1). На првиот натпревар во Белград, резултатот беше 3-0 за Црвена Звезда.
- Извештај од натпреварот:
Викторија Плзен поведе во осмата минута преку Аду, но Црвена Звезда експресно возврати и само три минути подоцна преку Мирко Иваниќ израмни на 1-1. Во второто полувреме домашните имаа огромна шанса повторно да поведат, но Аду не реализираше пенал во 51. минута. Само две минути подоцна Букари заработи директен црвен картон и домашниот тим доби нова шанса од белата точка, а Висински беше прецизен за 2-1.
Чешкиот тим продолжи да притиска и во 63. минута преку Хросовски стигна до 3-1, а кога се очекуваше крај на натпреварот и пласман на српскиот шампион, Викторија Плзен доби трет пенал. Овој пат фаулиран беше голманот Флоријан Вигел, кој за еден корнер се пресели во спротивниот шеснаесетник, а сигурен реализатор беше нововлезениот Кабонго.
Дуелот во Чешка влезе во продолженија, а по само шест минути игра Крчик го совлада Матеус и домаќинот за првпат се најде во предност во овој двомеч (5-1). Фудбалерите на Црвена Звезда немаа што да загубат и со сите сили тргнаа во напад, но со играч помалку беше тешко да се пробие одличната одбранбена зона на домаќинот и Викторија Плзен заслужено патува во Лигата на Европа, додека српскиот тим ќе игра во Конференциската лига.
