• Иван Димовски
Фудбалерите на Ливерпул убедливо славеа против Тулуз на „Енфилд“ со 5-1, во рамките на третото коло на Лигата на Европа.
Еден од стрелците беше и Дарвин Нуњез, меѓутоа уругвајскиот напаѓач успеа и да се посрамоти пред полните трибини. Во една акција тој доби долга топка, одлично се ослободи од својот чувар, а потоа го издрибла и голманот на Тулуз. Сепак, неговиот удар кон празната мрежа заврши во стативата.
На негова среќа Ливерпул го доби овој натпревар со леснотија, па промашувањето не го чинеше колективот премногу.
