• Горан Упале
Новиот селектор на португалската репрезентација, Роберто Мартинез го објави списокот од 26 играчи на кои смета за натпреварите со Лихтенштајн и Луксембург, во рамките од квалификациите за Европското првенство.
Она што сите со нетрпение го очекува е дали поранешниот предводник на Белгија ќе го повика Кристијано Роналдо, кој подолго време не игра на врвно ниво.
„Се сретнав со сите 26 играчи кои беа во Катар. Важно е да разговараме, да ја видиме нивната посветеност. А, Роналдо е многу посветен фудбалер и ќе биде со нас. Ова е моја одлука. Тој може да ни донесе искуство, многу важна личност е за тимот, а годините не ме интересираат. Кристијано има квалитети на победник и сакам тоа да им го пренесе на другите играчи.
Во однос на статусот, тој има ист статус како и сите други фудбалери во тимот“, рече Мартинез.
Senhoras e senhores, estes são os eleitos de Roberto Martínez para os próximos jogos #VesteABandeira pic.twitter.com/gS1r0cuhYH
— Portugal (@selecaoportugal) March 17, 2023
Мартинез своето деби на клупата на поранешниот европски шампион ќе го има на 23 март, на дуелот со Лихтенштајн. По три дена „европските Бразилци“ ќе гостуваат кај Луксембург.
