• Зоран Мишевски
Европскиот првак Пари Сен Жермен и тренерот Луис Енрике имаат нов непредвиден проблем. Клубот од Париз објави дека Грузиецот Квича Кварацкелија претрпел повреда на глуждот во натпреварот против Њукасл доцна синоќа.
24-годишниот грузиски фудбалер се повреди во 23. минута по судир со противнички играч.
„Повреден му е глуждот. Ситуацијата е комплицирана, но се надевам дека грешам и ќе добијам подобри вести“, рече Луис Енрике.
Кварацкелија се приклучи на ПСЖ во јануари 2025 година. Оваа сезона, тој одигра 27 натпревари за парижаните во сите натпреварувања, постигнувајќи седум гола и шест асистенции.
