• Саше Љолес
Хари Мегваер е во преговори со управата на Манчестер Јунајтед за нова соработка, потврдија повеќе англиски медиуми, вклучително и новинарот Фабрицио Романо.
Стоперот на „ѓаволите“ може да добие нов договор и покрај тоа што беше жестоко критикуван од јавноста во последните неколку години. Како клучни фактори за неговото останување се наведуваат посветеноста и влијанието што го има во соблекувалната, а познато е и дека тренерот Рубем Аморим никогаш го нема „отпишано“ од тимот.
Toa се потврдува и со солидната минутажа што ја има на стартот од сезоната. Мегваер настапи на седум натпревари за Јунајтед, прикажувајќи променливи игри, но се чини дека општиот впечаток за стручниот штаб е задоволителен.
Manchester United are in talks with Harry Maguire over new deal with existing contract due to expire in June.
Face to face meeting with his camp took place in the recent days and more will follow to discuss conditions.
MUFC happy with Maguire’s contribution + leadership. pic.twitter.com/7amXFY6WG6
— Fabrizio Romano (@FabrizioRomano) October 9, 2025
Мегваер никогаш не ги оправда огромните 87 милиони евра кои беа вложени во него, но сепак има можност да добие продолжување на договорот кој истекува следното лето. Се шпекулира дека новата соработка ќе му гарантира 140 илјади фунти неделно.
ФОТО/PHOTO: Manchester United/Facebook
