• Иван Димовски
Во март минатата година против Ливерпул, во финалето на Лига купот, Њукасл го освои првиот национален трофеј по пауза од седум децении, но 11 месеци подоцна по сè изгледа ќе мора да го препушти. Манчестер Сити го победи на „Сент Џејмс Парк“ во првиот полуфинален натпревар со 2-0, па реваншот на Етихад на почетокот на февруари многу лесно би можел да се претвори во формалност.
Споменатиот натпревар со Манчестер Сити од првата половина на јануари беше најава за падот на формата на Њукасл. Тимот на Еди Хау потоа ремизираше со последнопласираниот Вулверхемптон во првенството, за веќе во следното коло да биде поразен од Астон Вила, која го закова на средината од табелата. За реваншот со Сити да биде уште потежок, патувањето во Манчестер за Њукасл доаѓа по тешките гостувања кај Пари Сен Жермен во Лигата на шампионите и кај Ливерпул во Премиер лигата.
Сите квоти во MOZZART за натпреварот меѓу Манчестер Сити и Њукасл
Ни увертирата на Сити пред реваншот не беше воопшто наивна, бидејќи пред дуелот со Њукасл гостуваше кај Тотенхем во Лондон, а потоа го пречека Галатасарај во последното коло од лигашката фаза во Лигата на шампионите. Со Њукасл, барем на домашен терен, веќе со години минува без грешка. Тимот од Манчестер, сметајќи ги сите натпреварувања, на Етихад ја доби секоја од претходните 11 натпревари.
Особено зачудува фактот што Њукасл на последните седум гостувања во синиот дел од Манчестер загуби со вкупна гол-разлика 0-21. Последната победа на истиот стадион ја запиша во октомври 2014 година, токму во Лига купот. Сега, за почеток, би можел барем да ја затресе мрежата, нешто што не му успеа во септември 2018.
