• Саше Љолес
Голманот на англискиот Саутемптон, Арон Рамсдејл, официјално се пресели во Њукасл Јунајтед, каде следната сезона ќе настапува како позајмен фудбалер.
Клубот веќе го потврди неговиот премин и истакна дека во договорот има опција за целосен откуп по завршувањето на сезоната. Сето тоа ќе зависи од настапите и учинокот на Рамсдејл.
Ова значи дека чуварот на мрежата повторно ќе настапува во Премиер лигата, од каде претходната сезона испадна со тимот на „светците“. Кариерата ја започнна во Шефилд Јунајтед, а најголем печат остави во дресот на Арсенал, за кој одигра 78 натпревари.
ФОТО/PHOTO: Newcastle United
Прочитајте повеќе околу трансферите во Македонија и во светот на ОВОЈ линк.
