• Иван Димовски
Капитенот на Македонската фудбалска репрезентација за играчи до 19 години, Никола Величковски замина од Македонија Ѓорче Петров за својот прв интернационален предизвик.
Младиот 18-годишен напаѓач потпиша договор со Септември Софија, клуб кој од следната сезона ќе игра во бугарската елита. Величковски веќе беше промовиран во новата средина и ја задолжи клупската опрема на Септември.
Станува збор за момче кое потекнува од фудбалската школа на Вардар. Величковски во јануари минатата година се пресели во Работнички, а потоа летото направи трансфер во Македонија Ѓорче Петров.
Изминатата сезона во ПМФЛ младиот Величковски одигра 28 натпревари на кои даде четири гола и запиша две асистенции.
