• Иван Димовски
По трипати досега фудбалерите на Ница и Нант го освојуваа Купот на Франција, но сите тие титули ги кренаа во 20-тиот век. Сега, по цела деценија пост некој конечно ќе ги освежи своите витрини, а името на новиот освојувач ќе го добиеме во сабота по натпреварот кој ќе се одигра на „Стад де Франс“ во Сен Дени од 21:00 часот.
Навивачите на Нант пред скоро се радуваа на успех. Канаринците го освоија Купот на Франција во 1979, 1999 и 2000, а последната осма титула на државен првак ја освоија во 2001, во овој век. Последната титула на Ница е Купот освоен во 1997 година, додека на петтата титула тимот чека од 1959. година. Затоа, јасно е колку за овие два клуба е важно да триумфираат во финалето. Вака значаен меч Ница и Нант одамна не играле. Затоа, имаат среќа на клупата да имаат тренери кои знаат како се освојуваат трофеи.
Сите квоти во Mozzart за натпреварот меѓу Ница и Нант
Канаринците ги предводи Антоан Кумбаре, човекот кој со ПСЖ го освои Купот на Франција во 2010 година, сезона пред влегувањето на катарскиот капитал. Претходно како играч двапати беше најдобар во тоа натпреварување со ПСЖ, а еднаш го освои и Купот на Швајцарија со Сион. На другата страна шеф на стручен штаб е Кристоф Гатлије, кој нема титула во Купот на Франција ниту како тренер, ниту како играч. Играше во финалето во 1987 година како член на Олимпик Марсеј, но тогаш загуби од Бордо. Затоа, како тренер на Сент Етјен, Гатлије го освои Лига Купот на Франција во 2013 година, а секако најголемиот успех го направи минатата сезона кога беше првак со Лил во Лига 1.
Оваа сезона Гатлије двапати го надмудри Кумбаре во првенството. Во септември Ница како гостин славеше со 2-0, а потоа во јануари на свој терен со 2-1. Интересно, на двете средби првиот гол го даде 24-годишниот дански интернационалец Каспер Долберг. Тој два месеци немаше постигнато гол, од полуфиналето во Купот на Франција и победата над нисколигашот Версај со 2-0. За Нант можеби е поважно да триумфира во финалето затоа што така може да дојде до меѓународната сцена и да се пласира во Лига Европа. Во првенството тимот ќе заврши на средината на табелата, додека Ница моментално е на позиција која води во Конференциската лига. На успех на Ница се надеваат Стразбур, Лион и Ленс кои така би играле за шестото место кое ќе води во Европа.
