• Иван Димовски
Фудбалерите на Шкендија во првата рунда на Купот на Македонија ќе му гостуваат на новиот второлигаш Караорман. Тетовчани се фаворит на оваа пресметка, ама јасно е дека домаќинот нема лесно да се предаде.
Во пресрет на натпреварот од Купот на Македонија, своето мислење го изнесе Меџит Незири, кој најави највисоки клупски амбиции.
„Оваа година целта е двојната круна, трофеи во Купот и ПМФЛ. Иако нашиот прв ривал е тим кој игра во Втората лига, ќе влеземе во натпреварот сериозно. Верувам дека ќе дојдеме до победата, а со тоа ќе се пласираме во следната фаза, а тоа е осминафиналето на Купот“, рече Незири.
На овој натпревар со Караорман, на клупата по заминувањето на Артим Шаќири ќе седи Скендер Јонузи. Натпреварот во Струга е закажан за в среда со старт во 15:00 часот.
