Невидена ситуација во Србија: Доби жолт картон за „изигрување“ на фудбалските правила (ВИДЕО)

Во фудбалот може да се видат жолти картони за неспортски старт, приговор кон судијата, симулирање на прекршок, шутирање на топката по судискиот свиреж, но многу ретко за изигрување на правилата.

Токму тоа се случи на натпреварот помеѓу ТСЦ и Раднички Крагуевац. Фудбалерот на гостите, Мехмед Ќосиќ, додека топката беше на земја, легна и со глава ја врати кон голманот. Главниот судијата Срѓан Јовановиќ тоа го протолкува како „измамување“ на правилата на фудбалската игра. Ќосиќ доби жолт картон, а домашниот тим доби индиректен удар.

Еве што вели правилото кога фудбалерот добива жолт картон за неспортско однесување: Иницира намерен трик за додавање на топката до голманот со глава, гради, колено итн.

Инаку, на овој натпревар свој блесок имаше македонскиот напаѓач Лука Стојановски кој мрежата на домашниот тим ја затресе по само 85 секунди игра.