Неста се обедини со Галијани и ја презеде клупата на Монца!

Италијанскиот прволигаш Монца го промовира наследникот на Рафаеле Паладино. Шанса за докажување ќе добие италијанската легенда Алесандро Неста. 

48-годишникот минатата сезона седеше на клупата на Реџиана во Серија Б, но сега ќе добие шанса на големата сцена. Неста во својата скромна тренерска кариера беше тренер на Фрозиноне, Перуџа и Мајами. Легендата досега нема водено тим во елитата, па Монца ќе му биде прв посериозен предизвик. 

Овој ангажман за Неста значи обединување со Адриано Галијани, човекот кој своевремено го доведе во Милан од редовите на Лацио. Добрите односи на Галијани и Неста доведоа до негова промоција на клупата на Монца. 

Минатата сезона во Серија А екипата на Монца финишира на дванаесеттото место и ќе врзе три сезони во калчо елитата.