• Горан Упале
Шкотскиот фудбалски гигант Глазгов Ренџерс вчера се раздели со Филип Клемент. Белгиецот ја плати цената за слаби резултати и навивачите очекуваа поистакнато име на клупата, а го добија - Бери Фергусон.
Многумина очекуваа враќање на Стивен Џерард на клупата, но раководството на клубот се реши за поранешниот фудбалер кој во два наврати одигра 391 натпревар за Ренџерс и постигна 51 гол. По завршувањето на играчката кариера веднаш се етаблираше како тренер работејќи во Блекпул, Клајд, Селтик и Хартс, а по единаесет години доби шанса да го води Глазгов Ренџерс до крајот на сезоната. Во последните три години не работеше како тренер, туку беше своевиден амбасадор на Ренџерс.
„Бев изненаден од повикот на Ренџерс и ми требаа пет минути да се согласам да бидам привремен менаџер до крајот на сезоната“, искрен беше Фергусон.
Тој веќе одработи еден тренинг со тимот и своето деби на клупата ќе го има в среда на натпреварот од шкотската Премиер лига против Килмарнок.
