• Саше Љолес
Саудискиот фудбалски гигант, Ал Хилал Ријад, доби нов сопственик, откако мнозинскиот пакет акции беше продаден на приватна компанија.
Станува збор за голем чекор во стратегијата на Саудиска Арабија за намалување на државното финансирање во спортот и премин кон приватизација на најголемите клубови.
Новиот сопственик ќе преземе контрола врз клубот, кој досега беше под капата на државниот инвестициски фонд, а целта е Ал Хилал да стане финансиски поодржлив и независен. Се работи за милијардерот Алвалид Бин Талал, кој за оваа трансакција издвоил неверојатни 373 милиони американски долари, добивајќи 70 проценти од управувачкиот пакет.
Оваа одлука е дел од поширок план за развој на фудбалот во земјата, со кој се очекува клубовите да функционираат по пазарни принципи и да генерираат сопствени приходи.
Ал Хилал важи за еден од најуспешните клубови во Азија, а со новата сопственичка структура се најавуваат и дополнителни инвестиции, но и поодговорно управување со финансии.
