• Иван Димовски
Фудбалскиот клуб Гостивар со неверојатно темпо го работи зимскиот преоден рок, промовирајќи ново засилување со прволигашко искуство.
Тимот е решен да се избори за место во ПМФЛ, па сега ново име во ростерот е Фахрудин Ѓурѓевиќ. 30-годишниот напаѓач доаѓа од редовите на Македонија Ѓорче Петров, каде што сезонава одигра 11 средби во првата лига, запишувајќи по гол и асистенција.
Гостивар сериозно работи на засилување на одличниот ростер, па Ѓурѓевиќ е петто зимско засилување. Напаѓачот низ својата кариера настапуваше за Вардар, Македонија Ѓорче Петров ии Работнички во земјава, како и за Спартак од Србија, Звијезда од БиХ, а во Чешка играше за Варнсдорф и Храдец Кралове.
Претходно, гостиварчани ги донесоа Симе Христов, Рејан Абази, Гордијан Христовски и Фисник Зука.
Прочитајте повеќе околу тековните трансфери во Македонија и светот на ОВОЈ линк.
