• Саше Љолес
Повратникот во редовите на Сантос, Нејмар, го искажа своето задоволство после првиот постигнал гол за бразилскиот клуб и најави дека неговата форма постепено ќе се враќа во нормала.
Ѕвездата се врати во родната земја после неуспешниот престој во Саудиска Арабија и повторно заигра фудбал, нешто што го прави среќен и исполнет, а тоа го сподели и со своите фанови.
„Сантос ме препороди, ми помогна повторно да најдам нова радост во фудбалот. Бев во аут повеќе од петстотини денови, тоа не е убаво за ниту еден фудбалер.
Физичката подготовка е нешто на што ќе работам дополнително, но полека ќе се враќам во форма. Им благодарам на сите прекрасни навивачи“, изјави Нејмар.
Бразилецот постигна гол од пенал во победа од 3-1 над Агуа Санта, откако претходно ја изнуди најстрогата казна после еден дриблинг во шеснаесетникот.
