• Горан Упале
Претседателот на фудбалскиот клуб Сантос, Марсело Тешеира го повика бразилскиот напаѓач Нејмар да се врати во клубот откако неодамна го раскина договорот со Ал Хилал.
Во видеото на Инстаграм, Тешеира му се обрати на најдобриот стрелец во историјата на бразилската репрезентација (127 натпревари, 79 гола), кој својата професионална кариера ја започна во Сантос во 2009 година.
„Дојде време, Нејмар. Дојде време да се вратиш кај својот народ, во својот дом, во нашиот сакан клуб. Те чекаме со раширени раце“, изјави лидерот на пристанишниот клуб на југот на Сао Паоло, каде што легендарниот Пеле ја помина речиси целата своја кариера (од 1956 до 1974 година).
По шест години минати во Пари Сен Жермен, Нејмар се пресели во Ал-Хилал во август 2023 година, заработувајќи околу 100 милиони евра по сезона. 32-годишниот напаѓач одигра само седум натпревари за Ал Хилал, постигна еден гол и три асистенции. Тој се врати на терените во октомври минатата година, но поради нова повреда на два меча одигра нешто повеќе од 40 минути.
Прочитајте повеќе околу трансферите во Македонија и во светот на ОВОЈ линк.
