Не е само Мбапе, Ливерпул се подготвува за уште еден рекорден трансфер!

Се чини дека Ливерпул можеби се подготвува за голема бура во текот на следното лето. Откако стана познато дека „црвените“ се интересираат за Килиан Мбапе, сега доаѓаат нови информации дека може да направи голем трансфер од Мексико.

Според повеќе медиуми, англискиот гигант наводно испратил понуда за еден од најголемите таленти на тамошниот фудбал - Жилберто Мора.

Клубот од „Енфилд“ понудил повеќе од 50 милиони долари, односно околу 45 милиони евра, за 17-годишниот фудбалер на Тихуана. Веста ја објави познат мексикански новинар, кој тврди дека информацијата доаѓа директно од клубот.

Мора веќе привлече огромно внимание на Светското првенство, каде што доби сериозна минутажа за Мексико. Тој одигра повеќе од 200 минути, а довербата во неговиот потенцијал најдобро ја покажува фактот што беше стартер во нокаут-фазата.

Доколку трансферот се реализира за сума од околу 45 милиони евра, Мора би поставил нов рекорд кога станува збор за продажба на мексикански фудбалер. Досегашниот рекорд го држи Едсон Алварез, кој во 2019 година премина од Клуб Америка во Ајакс за 15 милиони евра, додека на истата сума изнесуваше и трансферот на Енер Валенсија од Пачука во Вест Хем во 2014 година.

Мора, кој наскоро ќе наполни 18 години, сега се наоѓа пред можеби најголемиот чекор во својата кариера. Доколку Ливерпул навистина ја испратил понудата, следните денови би можеле да донесат голем трансфер и нов мексикански рекорд.