• Горан Упале
Репутацијата на Лионел Меси како „добро момче“ е доведена во прашање по жестоката расправија за време на напнатиот натпревар од квалификациите за Светското првенство помеѓу Бразил и Аргентина на „Маракана“. „Гаучосите“ го добија натпреварот со 0-1.
Долгоочекуваниот квалификациски натпревар за СП 2026 година се претвори во хаос поради големите немири на трибините. Среде немирите, тензиите зовреа и на теренот, што доведе до расправија меѓу Лионел Меси и Родриго де Пол од едната и Родриго од другата страна, што дополнително ја комплицираше и онака бурната ситуација.
Капитенот на „гаучосите“ и неговиот „телохранител“ на теренот беа вклучени во жестока вербална расправија со ѕвездата на Реал, а тамошните медиуми пишуваат дека Родриго ги нарекол Меси и неговите соиграчи „кукавици“.
Навредата предизвика жестока реакција кај осумкратниот освојувач на „Златната топка“, кој одговори фаќајќи го Бразилецот за врат.
„Ние сме светски шампиони, зошто сме кукавици? Внимавајте што зборувате“, остро му рекол Меси на четиринаесет години помладиот бразилски фудбалер.
The dialogue between Lionel Messi and Rodrygo before the Argentina Brazil match.
Rodrygo to Lionel Messi: "You cowards."
Lionel Messi: "We are the world champions, why are we cowards? Watch at your mouth." Via @TyCSports. pic.twitter.com/UhFE7Ek4mb
— Roy Nemer (@RoyNemer) November 22, 2023
Досега Меси беше претежно познат како мирен и резервиран тип кој избегнуваше расправии и тепачки на теренот, но кон крајот на кариерата реши да ја промени таа улога.
