• Иван Димовски
Барселона загуби на гостувањето на „Реале Арена“ во Сан Себастијан од Реал Сосиедад со 1-0.
На трибините на овој натпревар режисерот од Шпанија улови многу интересен момент. Навивачите на Реал Сосиедад по постигнатиот гол славеа скокајќи и пеејќи, но свртени со грб кон теренот. Сепак, меѓу нив се најде една „несреќна“ навивачка на Барселона, која само стоеше во толпата и беше разочарана.
Инаку, натпреварот во Баскија го одбележа спорен момент при поништениот гол на Роберт Левандовски за кој ќе се зборува доста.
