Како одминуваше мечот со Брегалница, а и по 20 упатени удари кон голот на противникот, Вардар не можеше да дојде во водство, многумина помислија дека по Шкупи и Шкендија, штипјани ќе откинат бод во Скопје. Но вербата во победа и еден одличен инвидуален потег одлучија во полза на поквалитетниот тим.
Комплетна недела на задоволство остави зад себе лидерот Вардар, кој благодарение на својата победа и ремито кое Хоризонт Турново му го откина на Шкендија во Кичево, предноста на табелата ја зголеми од +1 на +3. Пред двонеделната пауза заради националните репрезентации тоа е голем плус за вардарци. Првиот клубски стрелец Дејан Блажевски го истакнува психолошкиот момент како битен фактор за освојување на трите бода против Брегалница.
Подобар подарок за јубилејот навивачите не можеа да добијат. Победата против Брегалница од 3-1 е 400. на клубот во најсилната македонската фудбалска категорија, а по добрите вести од Кичево, шампионот ја зголеми предноста на табелата. Пак Вардар прв прими гол и се мачеше да го скрши отпорот на штипските сини, но 90 минути се многу долги на „Филип втори“ кога се браниш. Така Ивановски, Хамбарџумјан и Блажевски го комплетираа пресвртот за победа од огромен значај.
Потешко од предвиденото, фудбалерите на Вардар попладнево забележаа и нова првенствена победа во домашниот шампионат. На „Филип Втори“, наша нова жртва беше екипата на Брегалница, која загуби со 3-1 во многу интересен натпревар.
