• Горан Упале
Артур Мело го напушта Ливерпул на крајот на сезоната, потврди неговиот агент. Бразилецот на „Енфилд“ пристигна на позајмица од Јувентус во последниот ден од преодниот рок, а Ливерпул имаше право да го откупи за 35 милиони евра. Но, тоа нема да се случи и Артур ќе се врати во Торино.
Ова денес го потврди неговиот агент, но не се знае каде ќе игра по враќањето во Јувентус, бидејќи ниту италијанскиот гигант не смета на него. Она што е особено интересно е што Артур сè уште не дебитирал во Премиер лигата, додека во другите натпреварувања запиша вкупно 256 минути.
Навистина, долго време беше повреден, што само е потврда за неговите големи проблеми со повреди и се чини дека тоа не се променило. Па, со право може да се каже дека тој е едно од најголемите, ако не и најголемо трансфер-промашување на Ливерпул во ерата на Јирген Клоп.
Инаку, Артур како млада надеж од Гремио се пресели во Барселона за 35 милиони евра летото 2018 година.
