• Иван Димовски
Ален Халиловиќ беше најавуван како „хрватскиот Меси“ во деновите кога прејде од Динамо Загреб во Барселона. Тој моментално е играч на Милан, позајмен во редовите на Херенвен во Холандија, но ниту таму не настапува константно.
Сепак, во викенд-дуелот со Ден Хааг тој доби 20 минути за игра, даде гол за реми (2-2), но имаше и еден комичен шут кој заврши во кујната на стадионот.
- Шутот на Халиловиќ на натпреварот Херенвен - Ден Хаг:
Halilovic shoots into SC Heerenveen kitchen from open play #heeado pic.twitter.com/cimbba5aVe
— Sports News & Views (@SportAficionad0) February 23, 2020
23-годишниот Халиловиќ е во голема играчка криза, а во кариерата не успевал да се задржи во ниту еден клуб. Барселона го испраќаше во Спортинг Хихон и Хамбургер, клуб кој подоцна го откупи. Подоцна, германската екипа го позајми во Лас Палмас, пред бесплатно да премине во Милан.
За „росонерите“ запиша само три настапи во Лигата на Европа и беше позајмуван во Стандард и Херенвен.
