• Иван Димовски
Жозе Мурињо со критики за судењето по победата на Аргентина над Египет (3-2) во осминафиналето на Светското првенство. Португалецот, кој натпреварот го следеше во улога на стручен аналитичар, смета дека арбитрите и ВАР донеле неколку спорни одлуки кои влијаеле на текот на мечот.
„Ова е грабеж . Срамота е во што се претвора фудбалот. Зошто дозволија да продолжи акцијата и да падне гол, за потоа да се вратат и да го поништат? Ако има прекршок, треба да се прекине играта, а не да се чека да падне гол. Се поставува уште едно прашање. Зошто првиот гол на Аргентина не беше разгледан со истото внимание кога изгледаше дека ситуацијата е многу близу до офсајд? Зошто секоја спорна ситуација во корист на Аргентина беше детално проверувана, додека Египет не доби ист третман? ВАР треба да донесе правда, а не конфузија. Сега изгледаше како секоја важна одлука да беше донесена во корист на Аргентина. Фудбалот заслужува подобро“, додаде Мурињо.
Аргентина со големиот пресврт обезбеди место во четвртфиналето, каде што ќе се соочи со Швајцарија, додека Египет го заврши настапот на Мундијалот.
