• Саше Љолес
Тиаго Мота официјално ја напушти Болоња и многу наскоро ќе започне нов сериозен тренерски предизвик во кариерата. Бразилецот со италијански пасош оствари огромен успех и го однесе тимот во Лигата на шампионите, а медиумите на големо пишуваат дека е многу близу до договор со Јувентус.
Перспективниот тренер работеше во Болоња од 2022 година, а сезонава ги мина сите очекувања и избори учесво во елитниот ранг на УЕФА. Одамна за него беа заинтересирани многу европски клубови, но се чини дека трансферот на Мота во Јувентус е само прашање на часови.
Thiago Motta to Juventus, deal sealed and set to be announced soon — here we go, confirmed!
The manager has informed Bologna of his decision to leave the club after fantastic season, as expected.
Thiago will now sign as new Juventus head coach until June 2027. pic.twitter.com/bKgF099Rz4
— Fabrizio Romano (@FabrizioRomano) May 23, 2024
Оваа информација стигна од повеќе релевантни медиуми, вклучително и од новинарот Фабрицио Романо. 41-годишниот Тиаго Мота како играч настапуваше за Барселона, Атлетико Мадрид, Интер и ПСЖ, а тренерската кариера ја започна во екипата на Џенова. Потоа замина во Специја, од каде пристигна во Болоња.
Доколку потпише договор со Јувентус, тоа за него ќе биде прво преземање на еден од италијанските гиганти и ги отвора вратите за многу големи успеси во кариерата.
