• Саше Љолес
Шпанскиот репрезентативец Алваро Мората доживеал сериозна повреда на тренингот со својот Милан и веднаш бил пренесен во болница, јавија италијанските медиуми.
Мората се судрил со Страиња Павловиќ и добил силен удар во главата, по што веднаш морал да замине на дополнителни лекарски прегледи. Засега нема конкретни информации за неговата состојба, а навивачите се надеваат дека ситуацијата нема да биде премногу сериозна.
Шпанецот одигра одличен меч против Реал Мадрид и се запиша во листата на стрелците, а досега во дресот на Милан запиша три гола и една асистенција.
