• Иван Димовски
Фудбалерите на Монца му откинаа планирани бодови на Интер, откако одиграа нерешени 1-1 (0-0) во мечот од четвртото коло на Серија А. Долго време мрежите на „Бриантео“ мируваа, а тогаш во финишот падна по еден гол во двете мрежи.
Првиот дел во предградието на Милано беше приспивен, практично без ниту една вистинска шанса за гол на двете страни. Повеќе за напад размислуваше Интер, меѓутоа не успеа да го пробие домашниот отпор.
Продолжија „нераѕурите“ со притисокот и по паузата, беа поконкретни, ама добро Монца ги бранеше нивните налети. Интересно е дека прва до гол дојде домашната екипа која поведе во 81. минута од средбата. Ицо нафрли на пеналтикот, а со глава прецизен беше Дани Мота, кој срелаше за 1-0 за Монца и одушевување на трибините.
- Извештај од натпреварот:
Интер тогаш фрли сè на карта напад и тоа му се исплати. Веќе во 88. минута гостинот успеа да израмни преку Дензел Дамфрис, кој погоди по асистенција на Аугусто (1-1). Во финишот имаше по некоја шанса, меѓутоа немаше резултатски промени.
