• Горан Упале
Фудбалерите на Монако со минимална победа на гости кај Анже од 1-2 го отворија денот во француската Лига 1.
Тимот од кнежевството не се предава во трката за Лигата на шампионите, а тоа го докажа токму на овој натпревар, на кој бодовите му беа повеќе од потребни. По двата порази во низа и тоа без постигнат гола, Монако немаше право на нов кикс и одлично си ја заврши задачата кај Анже.
Гостите поведоа со голот на Андреј Головин во самиот финиш од првото полувреме, а на нов погодок се чекаше само петнаесет минути, откако Боада ја затресе мрежата на Анже за сигурни 0-2 за Монако. Конечниот резултат го постигна Абдалах Сима во 64. минута.
- Извештај од натпреварот:
Во следното коло Монако го пречекува Лил, додека Анже му гостува на Марсеј. На четири натпревари до крајот на сезоната Монако е на четвртата позиција со шест бода помалку од Марсеј, кој е во зоната за квалификации за Лигата на шампионите.
