• Саше Љолес
Холандскиот фудбалски гигант, Ајакс, официјално го потврди името на новиот тренер, а тоа ќе биде Италијанецот Франческо Фариоли, кој пристигнува од редовите на Ница.
Младиот стратег забележа извонредни резултати со францускиот клуб, па тоа беше повеќе од доволен сигнал за управата на Ајакс да го побара за нов ангажман во кариерата. Претходно Фариоли беше предводник на турските Анталијаспор и Фатих Карамгурук, и тоа се сите клубови во неговата кратка тренерска авантура.
Роден е во 1989 година и е помлад од многумина активни фудбалери, но веќе може да се пофали со две славни имиња во своето резиме, а навивачите на гигантот од Амстердам веруваат дека токму со него следуваат посветли денови за нивниот клуб.
Ајакс имаше многу проблеми со финансиите и играчкиот кадар, во моментов е петтопласиран на табелата со 55 бода и се бори за излез во евро-куповите. Холандскиот клуб е четирикратен освојувач на Лигата на шампионите, а неговата младинска школа важи за убедливо најквалитетна во Европа.
