• Иван Димовски
Македонскиот репрезентативец Димитар Митровски ќе допатува да одговори на повикот на Благоја Милевски со гол викендов во Хрватската прва лига. Крилниот фудбалер беше човек на одлука и донесе триумф за Вараждин на гостувањето кај Локомотива во Загреб (0-1).
Откако немаше погодоци во првиот дел, на стартот на продолжението Вараждин доби пенал. Одговорноста да го изведе ја презеде токму Митровски и биеше во десната голманска страна, погодувајќи за 0-1 во 51. минута.
- Погодокот на Митровски од белата точка:
До крајот на средбата немаше резултатски промени, па Вараждин ја впиша втората сезонска победа во ХНЛ.
Ова беше втор сезонски гол за Димитар Митровски за Вараждин, откако претходно стрела во поразот од Хајдук (2-1).
