• Горан Упале
Манчестер Јунајтед ја оправда улогата на фаворит во последниот четвртфинален натпревар од ФА Купот и со победата од 3-1 над Фулам патува меѓу четирите најдобри во најстарото клупско натпреварување на Островот.
Бруно Фернандез со два гола и Сабицер со еврогол со пета се хероите на „ѓаволите“, но домаќините на оваа средба добија огромна помош и од Александар Митровиќ. Српскиот ас, откако во 55. минута го шокираше Јунајтед и погоди за водство на Фулам, во 72. минута направи огромна глупост и предвреме го заврши натпреварот.
Имено, откако Јунајтед доби најстрога казна, Митра, видно налутен, го нападна главниот судија и очекувано заработи црвен картон.
Mitrovic sent off for pushing the ref pic.twitter.com/Fh5I3IFOz4
— FIFA 23 News (@FUT23News) March 19, 2023
Една минута претходно, истата судбина ја доживеа и искусниот Вилијан, кој поради игра со рака во казнениот простор заврши во соблекувалната.
