• Горан Упале
Португалскиот фудбалски гигант Порто го игра првиот домашен натпревар во новата сезона од Лигата на шампионите, а очекувано, на преполниот „Драго“ атмосферата е пеколна.
Шансата да се гледа елитен фудбал не ја пропушти нашиот најдобар ракометен голман. Никола Митревски од првите редови го бодри Порто против Клуб Бриж, и на социјалните мрежи сподели дел од атмосферата на легендарниот португалски стадион.
Искусниот македонски голман, кој веќе трета сезона е меѓу стативите на ракометниот колектив на Порто, ја користи секоја прилика да ги бодри своите фудбалски колеги.
