• Мартин Танасковски
Повремениот македонски репрезентативец Мите Цикарски во зимскиот преоден рок ќе бара нова средина, затоа што се раздели со грчкиот тим ПАС Јанина.
Цикарски, кој има 26 години и настапува на левата бековска позиција, направи трансфер во Грција во 2018 година, но одигра само петнаесет меча, па реши да побара поголема минутажа во друг клуб. Фудбалерот веќе разгледува понуди, а каде ќе продолжи, допрва ќе се знае.
Македнскиот фудбалер како младинец беше дел од Партизан, а сениорската кариера ја почна во редовите на Вардар. Цикарски потоа две години беше дел од Работнички, за потоа да стартува интернационална кариера и да ги носи дресовите на Етникос Ахна и ПАС Јанина.
