• Иван Димовски
Фудбалерите на Тиквеш гостуваат кај Вардар во натпревар од 13. коло на Првата македонска фудбалска лига. Кавадарчани по пауза од еден месец конечно победија во текот на неделата, а тоа беше дебитантско славје за новиот тренер Борче Христов. Пред мечот со вардарци своите очекувања ги сподеи искусниот Александар Мишов.
„Секако дека играњето на Арената и дуел против Вардар е мотив повеќе за секого, па и за нас. Ние добро стартувавме со новиот тренер, посакуваме таа наша позитивна серија да продолжи и да се извлечеме од резултатската криза полека но сигурно. Респект за противникот, знаеме кон што се стреми Вардар, но ние имаме свои амбиции и мотиви“, изјави Мишов.
Вардар на овој меч брка враќање на лидерската позиција, додека Тиквеш брка круцијални бодови во борбата за опстанок.
