• Мартин Танасковски
Македонскиот фудбалер Мартин Мирчевски ќе има нов клуб по крајот на сезоната, затоа што си заминува од редовите на босанскиот тим Железничар.
Мирчевски не е во прв план кај стручниот штаб, па ќе побара повеќе минутажа во некоја нова средина. Доказ за тоа е што на последните четири мечеви во лигата, доби само четири минути.
Крилниот фудбалер кој има договор со Железничар до 1 јуни за клубот од БиХ одигра 15 натпревари на кои забележа две асистенции.
Мартин Мирчевски, кој има 28 години, во редовите на босанскиот прволигаш дојде од ТСЦ Бачка Топола, а претходно настапуваше за Академија Пандев, Вардар, Беласица, Победа, Пелистер и косовска Трепча.
