• Редакција Gol.mk
Железничар од Сараево веројатно ќе биде новиот клуб на македонскиот интернационалец, 27-годишниот Мартин Мирчевски. Битолчанецот е на пат за „Грбавица“, каде веќе игра еден македонски напаѓач - Матеј Цветаноски.
Мирчевски играше за младинските репрезентации на Македонија, а последниот ангажман му беше во Србија во тимот на ТСЦ Бачка Топола. Најголемиот дел од кариерата Мирчевски го мина во македонските клубови, а играше за Брера, Вардар, Беласица, матичниот Пелистер, а беше и во Косово во тимот на Трепча.
Во српската Суперлига одигра 28 натпревари, постигна девет гола и забележа три асистенции, додека во Првата лига на Македонија запиша 90 натпревари, постигна 27 гола и забележа девет асистенции.
Македонскиот напаѓач во наредните денови треба да му се приклучи на Железничар.
Прочитајте повеќе околу трансферите во Македонија и во светот на ОВОЈ линк.
