• Горан Упале
Македонскиот фудбалски репрезентативец Бојан Миовски со својот Ренџерс избори пласман во четвртфиналето од Купот на Шкотска, откако шкотскиот гигант на убедлив начин го декласираше Квинс Парк со високи 8-0.
Домаќините од самиот почеток ја наметнаа својата игра и целосно ја контролираа осминафиналната пресметка, не оставајќи никакви дилеми околу победникот. Ренџерс создаваше шанси во континуитет и со ефикасна реализација ја претвори доминацијата во убедлив триумф.
Миовски го одигра целиот натпревар и даде свој придонес во триумфот, постигнувајќи го седмиот погодок за својот тим во 80. минута. Нашиот голгетер стрелаше со глава за 7-0.
Со оваа убедлива победа, Ренџерс сигурно чекори кон завршницата на Купот на Шкотска, каде допрва почнуваат главните пресметки меѓу најдобрите тимови.
