• Горан Упале
Македонскиот репрезентативец Бојан Миовски игра во страшна форма во дресот на култниот шкотски тим.
Младиот напаѓач на фантастичен начин одговара на пружената шанса во новиот клуб и на денешниот натпревар со Ливингстон по вторпат се запиша во листата на стрелците. Откако во првото полувреме погоди од пенал, во вториот дел мајсторски им побегна на гостинските дефанзивци и без проблеми ја смести топката во посакуваната цел.
За 23-годишникот ова е шести гол во шестиот натпревар за Абердин. Пет има во Премиер, со што е прв стрелец во лигата, а еден во Лига Купот на Шкотска.
