• Мартин Танасковски
Македонскиот фудбалер Бојан Миовски продолжи да игра во одлична форма и даде победнички гол за Абердин во полуфиналето од шкотскиот Лига Куп.
Абердин гостуваше кај Хибернианс и успеа да слави со минимални 0-1. Голот за победа Миовски го постигна во второто полувреме, се играше 78. минута кога Данте го проигра центарфорот, а тој реализира во противничката мрежа.
За Абердин ова е шеснаесетто финале во Лига Купот. Досега, тимот има шест титули и девет порази во мечот за трофеј. Последен пат Абердин беше освојувач на натпреварувањето во сезоната 2013/14.
Противник на Абердин во финалето на Лига Купот ќе му биде Ренџерс или Хартс.
