• Горан Упале
Потпретседателот на Партизан; Предраг Мијатовиќ, откри информации кои досега вешто беа криени од јавноста. За време на гостувањето во подкастот „Супер индиректно“, легендарниот фудбалер изјави дека „црно-белите“ се договориле еден од најдобрите играчи од средниот ред во историјата на фудбалот; Кларенс Сидорф, да го преземе кормилото на тимот.
„Минатата година се договоривме со Кларенс Сидорф, пред да го доведеме Срѓан Благојевиќ. Потоа помислив, не сме ние за странец. Не сме за некој таков, тој ќе си замине по еден месец.
Ненад Стојаковиќ ги познава тие деца. Сè уште има многу да научи, но ќе го направи тоа во овој период. Разговарав со него, не можам да ви ги соопштам деталите како одлучив дека тој е најдобрата опција“, рече Мијатовиќ.
Срѓан Благојевиќ беше отпуштен од функцијата главен тренер на почетокот на ноември, откако Партизан загуби од Мачва во Купот. Тој беше заменет од Ненад Стојаковиќ, кој моментално има скор од три победи и два порази.
По 20 кола во Суперлигата, Партизан има 46 бода и беше крунисан за есенски шампион, со бод повеќе од Црвена Звезда.
