• Иван Димовски
Лионел Меси се врати на терените по настапот во финалето на Светското првенство, но неговото враќање не беше крунисано со победа, откако Интер Мајами одигра 2-2 против Колумбус Кру во натпревар од МЛС.
Аргентинскиот капитен доби шанса од клупата за резерви и влезе во игра во 53. минута, кога беше поздравен со големи овации од домашните навивачи. Само три минути подоцна беше блиску да го постигне првиот гол по враќањето, но по додавањето на Луис Суарез шутираше покрај стативата. Интер Мајами двапати водеше на натпреварот, а главен виновник за тоа беше расположениот Суарез. Искусниот Уругваец најпрво погоди со прецизен удар од далечина, а потоа му асистираше на Ноа Ален за второто водство на домашниот тим.
Гостите првпат израмнија по несреќниот автогол на Каземиро, кој така го одбележа дебито пред домашната публика во дресот на Интер Мајами. Конечните 2-2 ги постави Брејс Мендес со прецизен удар од слободен удар во 84. минута.
Меси и Родриго Де Пол добија дополнителен одмор по завршувањето на Светското првенство, па ги пропуштија претходните натпревари на Интер Мајами, како и Ол-стар натпреварот во МЛС. Аргентинецот во финалето против Шпанија ги одигра сите 120 минути, а во клупскиот состав се врати 13 дена подоцна.
- Извештај од натпреварот:
По освоениот бод, Интер Мајами останува на двa бода негатива зад лидерот Нешвил во Источната конференција.
