• Горан Упале
По три недели Лионел Меси се врати во дресот на Интер Мајами и веднаш постигна гол. Сепак, тоа не се одрази на резултатот на неговиот тим, кој одново не успеа да победи. На натпреварот против Колорадо, Меси ја започна средбата од клупата за резерви, а конечниот резултат на овој меч беше 2-2.
- Извештај од натпреварот:
Први погодија гостите кои поведоа преку Рафаел Наваро кој погоди од белата точка. Меси не чекаше долго за да ја затресе мрежата на ривалот по враќањето на теренот. Тоа го направи за само десет минути, откако на мајсторски начин го совлада голманот на Колорадо.
- Голот на Лионел Меси против Колорадо:
Lionel Messi was out nearly a month for Inter Miami through injury…
Look what he did 12 minutes into his first game back…as a sub
: @MLS
— CBS Sports Golazo (@CBSSportsGolazo) April 7, 2024
Противникот на Интер Мајами влезе во серија грешки по голот на Меси, а тимот во розови дресови дојде до пресврт. И во оваа акција учествуваше Аргентинецот, кој го започна нападот, а голот го постигна Леонард Алфонсо. Но, Колорадо стигна до бод во 88. минута, преку Кол Бесет.
