• Горан Упале
Аргентинската фудбалска ѕвезда Лионел Меси се врати на „Камп Ноу“, иконскиот стадион каде што со години со голем успех го носеше дресот на Барселона.
Фудбалерот на Интер Мајами сподели фотографии на социјалните мрежи на кои стои на тревата на стадионот, кој моментално се реновира. Тој објави и емотивен опис.
„Синоќа се вратив на местото што мојата душа најмногу го сака. Местото каде што бев неизмерно среќен, каде што ме направивте најсреќниот човек на светот. Се надевам дека еден ден ќе се вратам, а не само да се збогувам како играч, бидејќи никогаш не би можел да го направам тоа...“, напиша Меси.
Меси играше за Барса од своето деби во 2004 година до 2021 година, кога замина во Пари Сен Жермен. Одигра 778 натпревари за тој клуб, постигна 672 гола, имаше 303 асистенции и ги освои сите трофеи.
