• Иван Димовски
Аргентина со неверојатен пресврт го совлада Египет со 3-2 во осминафиналето на Светското првенство и обезбеди место меѓу осумте најдобри селекции на турнирот.
Иако беше еден од најзаслужните за победата, Лионел Меси по натпреварот ги пофали своите соиграчи и истакна дека токму тимскиот дух ја донел големата победа.
„Искрено, тоа што го направи овој тим денес е лудо. Успеавме да се вратиме од 2-0 во елиминациски натпревар на Светско првенство, а на ваков турнир никој ништо не ви подарува. Навистина е тешко да се пробие противникот и да се постигне гол. Овој тим уште еднаш покажа дека знае да се натпреварува, дека никогаш не се предава и се бори до самиот крај. Денес ги отстранивме сите сомнежи. Тоа е она што секогаш нè краси, борбеност до последната секунда.
Заплакав бидејќи се чувствував како да ги разочарав своите соиграчи со промашениот пенал. Начинот на кој го изведов... Сепак, благодарение на Бог на крајот пак се случи нешто специјално и среќен сум“, изјави Меси.
Емоциите го надвладеаја големиот фудбалски виртуоз кој по мечот беше и во солзи.
“saya menangis karena saya merasa mengecewakan rekan saya akibat penalti yang saya gagal eksekusi… dan cara saya mengambilnya.
namun syukur sekali lagi, Tuhan mempunyai sesuatu yang spesial untuk saya di akhir. Saya sangat senang.”
- Leo Messi pic.twitter.com/ZcWuSm7YFv
— Extra Time Indonesia (@idextratime) July 8, 2026
Аргентинците во четвртфиналето ќе се судрат со Швајцарија и важат за апсолутен фаворит во оваа пресметка.
