• Горан Упале
Манчестер Сити ја освои светската клупска титула со убедливата победа над Флуминенсе (4-0), но сенка на петтиот трофеј на „граѓаните“ во 2023 година фрли вербалниот, па дури и физички конфликт меѓу Џек Грилиш и Кајл Вокер против Фелипе Мело.
Поранешниот репрезентативец на Бразил беше опишан како поттикнувач на физичкиот дуел со двајца играчи на Сити, но 40-годишниот играч од средниот ред негираше дека тој е виновен за инцидентот.
„Видов идиоти на социјалните мрежи кои тврдат дека јас ја започнав борбата. Да бидам јасен, Грилиш не ја почитуваше институцијата Флуминенсе, а јас никогаш нема да дозволам тоа да се случи. Извикуваше „ОЛЕ" по завршувањето на натпреварот. Затоа се случи тоа што се случи.
И не се каам за тоа што го направив, затоа што сум воин. Таков сум цел живот, но секогаш сум го почитувал ривалот. И кога ја победивме Ривер Плата со 5-1 и кога го освоивме Копа Либертадорес против Бока Јуниорс. Секогаш сум го почитувал ривалот и така ќе биде додека играм“, изјави Мело во микс зоната по натпреварот.
Grealish started joking and saying hello to the Fluminense players after the 4th goal
After that, Felipe Melo went after the English player. Pushed Grealish himself and Walker pic.twitter.com/BapeiLuqy4
— New Sheriff(@NewsheriffUtd) December 23, 2023
Фелипе Мело професионалната кариера ја започна во 2001 година, играше за Фламенго, Крузеиро, Гремио, Мајорка, Расинг, Алмерија, Фиорентина, Јувентус, Галатасарај, Интер, Палмеирас, а сега и Флуминенсе.
