• Мартин Танасковски
Фудбалската репрезентација на Мексико обезбеди пласман во полуфиналето на Голд Купот, откако во четвртфиналето во Глендејл ја совлада Саудиска Арабија со резултат 2-0.
Мексиканците до победата стигнаа благодарение на погодоците на Алексис Вега во 49. минута и автоголот на Абдула Маду во 81. минута, со што ја потврдија доминацијата на теренот и заслужено обезбедија место меѓу четирите најдобри.
- Мексико - Саудиска Арабија 2-0:
Во борбата за финале, Мексико ќе се сретне со Хондурас, кој во неизвесен четвртфинален дуел ја елиминираше Панама по изведување на пенали. Натпреварот во регуларниот тек заврши 1-1, а Хондурас славеше со 6-5 по пенал-серијата.
- Хондурас - Панама 1-1 (6-5 по изведување на пенали):
Во останатите четвртфинални пресметки од Голд Купот ќе се сретнат САД против Костарика, и Канада против Гватемала.
ФОТО: Gold Cup / X
