Светско Првенство Квалификации (Ж), Европа

Репрезентативките на Македонија се далеку од европскиот „крем“. За тоа најдобро зборува денешниот убедлив пораз од Северна Ирска (0-11). Иако ривал на избраничките на Кирил Изов не беше Англија или пак Шкотска, Македонија доби „островска“ лекција во Скопје. Двете најдобри фудбалерки, Фурнес и Магил настапуваат за Ливерпул и Евертон, а денес дадоа вкупно седум гола во дебаклот на девојките во црвени дресови. Македонија во овие квалификации за Мундијалот има една победа и четири порази со дури 29 примени погодоци. Во отсуство на Андонова и Рочи, девојките на Изов немаа сили ниту посериозно да се заканат, а уште помалку да дадат гол со Северна Ирска.