Голд Куп

Фудбалската репрезентација на Мексико по десетти пат го крена трофејот на Голд купот, откако во финалето во Хјустон ги победи домаќините САД со пресврт (1-2). Средбата на „НРГ Стадион“ понуди три погодоци и мексиканско славје на крајот. 

Соединетите Американски Држави се последниот полуфиналист на Голд купот, откако подобро изведуваа пенали од Костарика (2-2, 4-3 на пенали). Домашната селекција ја израдува публиката во Минеаполис и го заокружија кругот полуфиналисти. 

Фудбалерите на Канада се сопнаа во второто коло на Голд Купот и одиграа нерешени 1-1 против аутсајдерот Курасао во Хјустон. Иако Канаѓаните важеа за апсолутен фаворит и ретко кој помислуваше на поинаков исход од победа за нив, на крајот оваа селекција мораше да се задоволи со бод. Добра вест за нив е тоа што и натаму се лидер и во најдобра позиција за пласман во плеј-офот на натпреварувањето.

Фудбалската репрезентација на САД со победа од 5-0 над Тринидад и Тобаго ги отвори настапите во новото издание на Голд Купот.