Репрезентацијата на Нигерија го потврди доминантниот статус во групата Ц на Африканскиот Куп на нации и се избори за третата победа, овој пат над Уганда со убедливи 1-3 (0-1).
Домаќинот Мароко ја победи Замбија со 3-0 во натпреварот третото коло од групата А на Африканскиот Куп на нации, додека Комори и Мали одиграа нерешено без голови во натпреварот од истата група, кој се играше во исто време. Триумфот на Мароко беше обележан со два гола на Ајуб Ел-Каби, како и овациите за Ашраф Хакими, кој се врати на теренот по речиси два месеци.
Брегот на Слоновата Коска и Камерун одиграа без победник (1-1) во второто коло од групата Ф на Африканскиот Куп на нации, па двата тима ќе мора да почекаат до последното коло за да обезбедат пласман во нокаут-рундата.
Денешната програма на Африканскиот Куп на нации во Мароко ја отворија фудбалерите на Мозамбик и Габон во Агадир, а гледачите беа сведоци на огромно изненадување. Мозамбик во второто коло од групата Ф го совлада фаворизираниот Габон со 3-2, ја оствари првата победа во својата историја на ова натпреварување и со три бода сериозно ја истакна кандидатурата за пласман во осминафиналето, барем како една од четирите најдобри трети репрезентации.
Фудбалските репрезентации на Уганда и Танзанија одиграа возбудлив натпревар без победник (1-1) во рамки на групата Ц на Африканскиот куп на нации. Со ова реми, двете селекции едно коло пред крајот имаат по еден освоен бод и се наоѓаат во многу тешка позиција во борбата за пласман во осминафиналето.
Фудбалерите на Сенегал и Конго одиграа нерешени 1-1 во дербито од групата Д на Африканскиот Куп на нации. Со овој резултат двете репрезентации останаа на врвот на табелата со по четири бода.
