• Саше Љолес
Килиан Мбапе беше еден од творците на победата на Реал Мадрид над Штутгарт во Лигата на шампионите (3-1).
Француската ѕвезда го отвори резултатот во 46. минута и го најави триумфот на „кралевите“, но по мечот искрено изјави дека може да прикаже многу повеќе и беше прилично самокритичен.
„Знам дека можам многу повеќе. Среќен сум за голот, но повеќе за победата. Одигравме тежок меч против сериозен ривал. Моравме да славиме на домашен терен и да ги израдуваме нашите навивачи.
Најважно е дека ја отворивме Лигата на шампиони со победа, а ние дополнително ќе се подобруваме како екипа. Тоа важи и за мене, но и за сите останати“, рече Мбапе.
Откако пристигна во Мадрид, Мбапе постигна пет голови на вкупно седум натпревари. Реал во следното коло од елитниот ранг ќе се соочи со францускиот Лил.
